En Semana Santa os nenos do Concello de Sober poderán desfrutar de xornadas multideportivas gratuítas. Trátase dun programa lúdico e de actividades deportivas que se levará a cabo os días 11, 12 e 13 de abril en horario de mañá, de 10.30 a 13.30 horas.
Desenvolveranse actividades relacionas co voleibol, xogos tradicionais, xogos de cooperación, xincanas, xogos de pistas, actividades musicais e de baile, entre outras.
As actividades levaranse a cabo no pavillón do CEIP Plurilingüe Virxe do Carme de Sober.
Ofértase un total de 15 prazas. A idade para participar nesta actividade será a comprendida entre 7 e 12 anos. Terán preferencia os nenos empadroados/as no Concello de Sober.
O prazo de inscrición será dende o próximo luns 14 ao 31 de marzo, ambos incluídos.
A inscrición pode realizarse de maneira presencial entregando a solicitude no rexistro do Concello de 9.00 a 14.00 horas ou de maneira telemática, a través do rexistro telemático na sede electrónica do Concello ou no rexistro de calquera administración pública adherida á plataforma de intercambio rexistral (SIR).
Se existe máis demanda que prazas ofertadas nunha semana, cubriranse as prazas por rigorosa orde de entrada das solicitudes no rexistro do Concello. Así mesmo, crearase unha lista de agarda para cubrir as prazas que poidan quedar vacantes.
