O Concello de Sober colabora, no marco do Mes do Amandi, co concerto solidario coas vítimas de Ucraína, que vai ter lugar o sábado 26 de marzo ás 22.00 horas na Praza do Toural.
Actuarán Os Parentes e DJ Nacho Morales e Elías Vieira, coa fin de recadar fondos que irán destinados integramente a familias ucraínas.
Os Parentes componse de sete músicos. As súas actuacións baséanse nas versións de temas e composicións con moito carácter rural, é moi característico o toque de humor e retranca que forma parte dos seus concertos.
Pídese a colaboración mediante a recollida de achegas económicas que voluntariamente faga a xente que asista ao concerto, que serán doadas ó 100% para contribuír a esta causa.
Para máis información pódese chamar aos números 666 874 379, 677 841 723 e 610 707 643.
