A unidade móbil da Inspección Técnica de Vehículos Agrícolas fará revisións a finais deste mes no Incio.
Será os días 20, 21, 22 e 25 de abril. O 20 de abril estará na Pista de deportes en Noceda, o 21 e 22 de abril no Cruz do Incio, mentres que o 25 estará no Campo da Festa do Val do mao.
O horario de atención será de 9.00 a 13.30 horas pola mañá e de 15.15 a 18.00 horas pola tarde. O día 22 o servizo prestarase tan só de mañá.
As persoas interesadas en pasar a revisión aos seus vehículos agrícolas no municipio poden solicitar xa cita previa no teléfono 982 30 90 00 ou a través da páxina web www.sycitv.com.
