Skip to main content
Sarria

A V Carreira da muller Vivas e Visibles de Sarria será o 12 de marzo

Por 1 Marzo, 2022Marzo 2nd, 2022Sin comentarios

O sábado 12 de marzo Sarria acollerá a V Carreira da muller Vivas e Visibles. Terá dúas modalidades corredores e andaina facilitando así a participación a todos os veciños independentemente do seu fondo físico.

A proba absoluta disputarase sobre un circuíto de asfalto e sendeiros de area, mesturando zona urbana con natureza cunha volta de 5km con apenas desnivel. A saída terá lugar no bulevar de Calvo Sotelo, a meta estará no Malecón do río debidamente sinalizada.

Contará con diferentes categorías onde serán premiados os tres primeiros homes e as tres primeiras mulleres da Carreira con trofeos e, os tres primeiros de cada categoría na Andaina cunha medalla.

Abrirase un período de inscrición que rematará o mércores día 9 de marzo. A inscrición realizarase en www.championchipnorte.com ou www.sarriacorre.com . A cuota de inscrición para as carreiras absolutas é de balde.

Haberá camiseta técnica coa imaxe do evento para os 300 primeiros inscritos. A carreira será cronometrada por chip.