A compañía Pedras de cartón representará a obra Quixote, premio Certame Barroco Infantil no Festival Internacional de Teatro Clásico de Almagro 2021, o vindeiro sábado 9 de abril ás 18:00 horas na Casa da Cultura de Burela.
Na mesma afrontarán o texto de Miguel de Cervantes, un dos máis coñecidos da literatura española, en clave de comedia. Cunha estética inspirada no paiaso clásico (moi ao estilo Fellini) e en clave de clown reproducirán as escenas máis icónicas da novela, da relación antagónica entre Quixote e o seu escudeiro Sancho.
Un velocípedo no que vai montado Quixote será o Rocinante e un triciclo no que irá montado Sancho será o peculiar Rucio, o asno de Sancho Panza.
