Skip to main content
Cervo

A Caixa de Música de Cervo contará con dúas actuacións esta fin de semana

Por 8 Abril, 2022Sin comentarios

Esta fin de semana e dentro do ciclo de concertos A Caixa de Música de Cervo haberá varias actuación musicais para todos os gustos.

Así, o sábado ás 21.30 horas na praza dos Campos The Nunzia’s rock cover band, e o domingo ás 13.30 horas na praza do Souto será a ocasión da música tradicional da man do grupo Axóuxere de Roupar.

Para todas actividades están habilitadas dúas carpas, tanto na praza do Souto como na praza dos Campos.

O Concello de Cervo, a través da delegación de Cultura, puxo en marcha en outubro o programa A Caixa de música, un ciclo de concertos de música clásica e de bandas que ten lugar en diferentes puntos do Concello.

A Caixa de música pretende ser un programa dirixido a toda a familia polo que os concertos serán en fins de semana ou festivos á hora do mediodía.

Segundo a Concelleira de Cultura Dolores García Caramés “é un xeito de complementar o diverso abano de oferta musical que durante todo o ano levamos a cabo no noso Concello e deste xeito tamén achegamos á nosa veciñanza estilos de música para todos os gustos”.