Skip to main content
Axenda Caducada

O Vicedo contará co programa Coidados porta a porta

Por 8 Abril, 2022Abril 13th, 2022Sin comentarios

O Concello do Vicedo acolle o programa Coidados porta a porta, un programa gratuito que ofrece diversos servizos ás persoas maiores, en unidades móbiles que percorrerán diferentes concellos do medio rural das 4 provincias galegas.

No Vicedo, as datas previstas para a estancia son o 11, 12 e 13 de abril de 2022 entre ás 09:00 e ás 20:00 horas e estará no porto. Para participar haberá que pedir cita no teléfono 622 748 283 ou ou no e-mail: coidadosportaaporta.politicasocial@xunta.gal.

O 11 de abril ás 12.00 horas o persoal do programa impartirá unha charla informativa sobre o programa na Casa da cultura.

Os servizos, que se prestarán, preferentemente baixo cita previa, ás persoas que se acheguen, serán os de audioloxía, consistente en revisión e valoración auditiva, o de podoloxía para a prevención, diagnóstico e tratamento das principais patoloxías dos pés como a eliminación de durezas, control de uñas; e o de prevención do alzhéimer e outras demencias neurodexenerativas que consiste na realización de probas de valoración cognitiva, exercicios e fichas de estimulación cognitiva, actividades de estimulación funcional e envellecemento activo, prevención da soidade non desexada e promoción da autonomía persoal.

As unidades móbiles dipoñen de acceso para persoas con mobilidade reducida xa que conta con plataforma elevadora.