Os rapaces de Sarria comezarán as vacacións de Semana Santa cunha actividade lúdica da man de César No. Unha xornada na que vivirán un mundo de aventuras e emocións grazas ao sarriao que se caracteriza por ter unha voz hipnótica que deixa prendidos aos máis pequenos.
Esta cita é perfecta para ofrecer aos nenos unha maneira diferente de potenciar a imaxinación e a creatividade. Ademais, é ideal para pasar un rato entretido e divertido a través da narración dos contos do Traxugas.
A cita terá lugar ás o luns ás 18.30 horas na casa da cultura de Sarria.
CÉSAR NO
César No é un sarriao apaixoado do márketing e contacontos nas fines de semana. A súa fascinación por ser contador de historias e a narración oral venlle de moi novo grazas a súa avoa Donina Rodríguez.
No ano 2016 fundou a compañía teatral Feira do Leste con Ernesto Is e a través dela organizaron o primeiro Festival de Narración Oral que se celebrou en Sarria durante o verán e que tivo unha boa acollida entre os veciños.
As historias están dirixidas aos nenos e nenas do Concello. Ademais, emprega o galego nos seus contos dándolle valor a esta parte da cultura e tradición da nosa terra.
