Skip to main content
Axenda Caducada

Arredor de 30 locais hostaleiros participarán no XV Ribadeo de Tapeo

Por 28 Abril, 2022Maio 22nd, 2022Sin comentarios

Haberá sobremesas culturais, soños gastronómicos, Letras no Campo ou O Renacer do Cantil, entre outras actividades.

Do 14 ao 22 de maio terá lugar o XV Ribadeo de Tapeo no que participan máis de 30 locais hostaleiros ribadenses. Ribadeo retoma, despois desta época complexa derivada da crise sanitaria do covid, o famoso concurso gastronómico Ribadeo de Tapeo, que chega á súa décimo quinta edición e na que o prezo das tapas serán de 2 euros.

Como novidade esta edición contará cunha fase previa e as semanas anteriores á celebración do evento gastronómico un cociñeiro especializado na materia, degustará as tapas presentadas ao concurso. Esta fase terá simplemente un carácter de intercambio de impresións da elaboración e presentación das propostas desta cociña en miniatura. 

Haberá sobremesas culturais, soños gastronómicos, Letras no Campo ou O Renacer do Cantil, entre outras actividades. Unha das novidades será a fase previa voluntaria de asesoramento para os locais que o desexen a cargo do chef Daniel López, do restaurante O Camiño do Inglés e membro do coñecido Grupo Nove.  Ademais, unha ducia de locais contarán con tapas aptas para celíacos.

PREMIOS E XURADO

A estes premios concorrerán todos os estabelecementos inscritos no concurso. A organización resérvase a posibilidade de realizar dúas quendas de selección. Unha primeira onde se escollerán os establecementos finalistas e outra quenda onde se escollerán os premiados. 

PREMIOS DO PÚBLICO

Como en edicións anteriores, concorrerán todos os estabelecementos inscritos no concurso e os gañadores serán elixidos polo público.

Os gañadores do concurso recibirán agasallos especiais e publicidade gratuíta ata a próxima edición de 2023, onde se indicará que as súas tapas foron premiadas, polo público ou xurado, na XV Edición do Ribadeo de Tapeo. Esta servirá para premiar o esforzo, iniciativa e profesionalidade dos nosos hostaleiros.

Como en anos anteriores a celebración do concurso darase a coñecer a través da web e nas distintas plataformas app para móbiles, redes sociais (Facebook, Twitter e Instagram) e crearase un Hashtag #Ribadeodetapeo22  para a difusión, a través das redes sociais do concurso, tapas e establecementos participantes. 

Os hostaleiros que desexen aclarar calquera dúbida podedes chamar á oficina de turismo do Concello de Ribadeo (982 128 689) ou escribir un email a turismo@ribadeo.org.