Skip to main content
Lugo

A festa universitaria deixou 5 toneladas de lixo na Carballeira de Acea de Olga en Lugo

Por 7 Abril, 2022Sin comentarios

O servizo de limpeza do Concello de Lugo retirou esta mañá ao redor de 5.000 kilos de lixo, na súa maioría bricks, plásticos e vidros, procedentes da celebración universitaria que tivo lugar na Carballeira de Acea de Olga durante a pasada madrugada.

O concelleiro de Medio Ambiente, Miguel Fernández, planificou con previsión o amplo dispositivo que se despregou xa a primeira hora deste xoves para proceder ao aseo da zona co obxecto de que a festa non tivera repercusións para a veciñanza.

Oedil acompañou ao persoal durante a realización dos traballos para supervisar a execución do operativo que estivo composto por 12 operarios – 10 peóns e 2 condutores – así como por 10 máquinas entre elas, dous camións satélite, dúas cisternas, 2 recolledoras pequenas de carga traseira, 2 varredoras grandes e unha pequena ademais dunha hidrolimpadora de alta presión que deron por concluídas as tarefas ás 09:30 horas.

Pola súa banda, a Policía Local informou de que a celebración non deu lugar a ningún tipo de incidencia.