O vindeiro venres, 29 de abril, ás 16:00 horas, na Casa de asociacións Clara Campoamor localizado no Parque de Frigsa xunto ao parque de Skate, Diego AS realizará unha campaña de visibilización a favor de Alucem e Alcer Lugo decorando a fachada do devandito edificio.
Esta actividade complementarase cun “Bautismo no grafiti” onde os e as participantes poderán adquirir un primeiro contacto con esta forma de arte.
Para participar, rogamos confirmación a través de whatsapp ou chamada telefónica ao 634831597.
Alucem e Alcer son dúas asociacións que manteñen actividade na cidade de Lugo. Alucem é unha asociación sen ánimo de lucro que fundamentalmente loita pola erradicación da Esclerose Múltiple e a mellora da calidade de vida dos afectados. Mentres que Alcer é a Asociación para a loita contra as enfermidades do ril.
