Finalmente foron fructíferas as xestións realizadas desde Ribas de Sil cos senadores socialistas das provincias de Lugo e Ourense, Cesar Mogo e Miguel Bautista.
O pasado 23 de Febreiro estes senadores mantiveron unha reunión no concello de Ribas de Sil e pudieron comprobar de primeira man o problema existente para que os estudantes universitarios da zona sur de Lugo e Valdeorras pudieran regresar ás súas casas os venres.
Depois de analizar o problema co equipo de goberno de Ribas de Sil, Cesar Mogo e Miguel Bautista mantiveron reunións e contactos con Renfe para que que os estudantes de Coruña e Santiago que viven perto das estacións da liña Ourense-Ponferrada puidieran regresar ás súas casas os venres, despois das clases de toda a semana.
Finalmente RENFE accedeu a modificar os horarios para que, saíndo nun Alvia ás 15:10 de Coruña, pasando ás 15:40 de Santiago e chegando ás 14:20 a Ourense, se poida facer transbordo cun rexional. Este rexional sairá de Vigo e agardará 20 minutos aproximadamente para poder facer a combinación e que estes estudantes poidan chegar ás súas casas, tal e como reclamaban.
Estes novos horarios se aplicarán a partir do día 8 de maio, mantendo inalterables as combinacións dos domingos.
