O pasado xoves, Sarria celebrou o pleno ordinario que deixou como resultado a expulsión do portavoz do Grupo Popular, José Antonio García. Foi na quenda de rogos e preguntas despois de sumar tres apercibimentos de Claudio Garrido, o alcalde.
A expulsión tivo lugar despois de que unha concelleira do Partido Popular fixera unha pregunta sobre a poda dos árbores no Chanto e das obras de renovación do firme na Rúa Castelao. O PP xa fixera constancia de que a poda comezara 21 días antes da adxudicación do contrato á empresa.
O rexedor afirmou que o grupo popular tiña a información, feito que o PP negou dicindo que era mentira, tras isto, recibiu o terceiro apercibimento e foi expulsado.
O Partido Popular afirmou que o grupo realizara tres solicitudes sobre o contrato de poda e outros dous en relación ás obras de Castelao, sen recibila.
Por outra banda, o PP levou a pleno unha moción para o arranxo das beirarrúas da rúa Matías López que resultou aprobada. Tamén se aprobou a instalación dun paso elevado para peóns na vía do tren na zona de Requeixo por Adif.
