Sarria xa ten todo listo para celebrar o I Festival da solidariedade de Sarria. Un festival de música solidario organizado pola sociedade cultural A Unión. Esta cita terá como fin a recollida de fondos para os refuxiados ucraínos. Neste acto solidario organizado polo Concello colaboran os grupos locais de Sarria.
Nun primeiro momento este acto tería lugar o pasado 23 de abril, porén a proxección do filme A Virxe Rosa obrigou a adiar esta celebración ata o 30 de abril.
O diñeiro recadado a través dos donativos dos asistentes será entregado á asociación sen ánimo de lucro KidsUcrania que axuda aos infantes ucraínos dende o ano 2019.
Unha familia local de Sarria acolleu a catro ucraínos (dous nenos e dúas mulleres adultas) grazas a esta asociación que está a organizar unha nova viaxe para recoller refuxiados de guerra.
PROGRAMA
- 13.00 horas – CLARISAXOS ESCOLA DE MÚSICA
- 13.45 horas – ELSA FERRER
- 14.30 horas – DOUS BOS
- PAUSA COMIDA: Haberá polbeira no recinto para os que queiran xantar en La Unión.
- 17.30 horas – CANTAREIROS
- 18.15 horas – LORENA & GONZALO
- 19.00 horas – MEIGAS E TRASGOS
- 19.45 horas – SINIESTRO PARCIAL
- 20.00 horas – SARRICANTA
- 20.45 horas – PELERIÑOS
- 21.30 horas – RÚA DA MÚSICA 2
- 22.45 horas – GAITEIROS DE GOIÁN
