O Grupo Municipal Popular de Ribadeo informou esta mañá de que o Concello estivo talando árbores no paseo do Cargadoiro. “Sorprendidos quedamos todos os ribadenses ao atoparnos cunha talla de árbores desmedida e brutal no paseo do Cargadoiro”, segundo sinala Elena Sierra.
Nese sentido, o Grupo Municipal Popular de Ribadeo preguntará no pleno do vindeiro martes “se existe algún estudo técnico que acredite que haxa que eliminar estas árbores para algún tipo de proxecto futuro”.
A vicevoceira popular refírese a se as obras do carril bici que, “por certo levan un retraso considerable, esixen eliminar estas árbores”.
Sierra considera necesario que “o BNG responda a esta pregunta. Non por nos, senón por Ribadeo que se pregunta se é indispensable esta tala que ataca directamente ao medio ambiente”.
