O Ministerio de Transportes Mobilidade e Axenda Urbana (MITMA) está a levar a cabo as obras de rehabilitación estrutural do firme na estrada N-540 ao seu paso polo Concello de Guntín. A subdelegada do Goberno, Isabel Rodríguez, achegouse hoxe ata o municipio para visitar os traballos de reacondicionamento desta vía.
Unha visita na que estivo acompañada pola xefa da Universidade provincial de Estradas, Beatriz González, e a edil Verónica Vilela. As obras lévanse a cabo dende o km 17,269 ata o 18,420.
A subdelegada do Goberno destacou a importancia desta actuación para solucionar o problema ocasionado polo mal estado do firme na travesía de Guntín. Asemade, felicitouse pola celeridade coa que se están a executar os traballos “o que permitirá minimizar as molestias que se están a ocasionar aos veciños e usuarios da vía”.
Isabel Rodríguez explicou que as obras comezaron o pasado día 2 e tiñan un prazo de execución dun mes. Con todo, poderían rematar antes, xa que o bo tempo está a favorecer o ritmo das obras.
Namentres, manterán cortado un carril dando paso alternativo aos vehículos polo sentido contrario da vía. Ademais aconsellan aos vehículos pesados que circulen pola A-54, que ten un trazado paralelo á zona en obras.
