O Campo Municipal de A Ribela vai ser o escenario esta fin de semana da sétima edición do Torneo Memorial Pedro Canoa, en evento organizado pola S.D. Sarriana e adicada a recordar ao que fora xogador das súas categorías inferiores.
A competición empezará o venres día 3 de xuño coa disputa das categorías biberón e prebenxamín. Para o sábado día 4 de xuño quedarán os benxamíns e alevíns e o domingo día 5 de xuño cerrarán este VII Torneo Memorial Pedro Canoa os equipos da categoría infantil.
En total, a organización, que corre a cargo da S.D. Sarriana, ten previsto contar con máis de vinte clubes e setenta equipos nas diferentes categorías para reunir durante unha intensa fin de semana co fútbol como gran protagonista a máis de oitocentos xogadores.
Entre os clubes participantes, ademais de equipos da zona e de toda a provincia, o VII Torneo Memorial Pedro Canoa vai contar con equipos da base da Ponferradina, do Lugo, do Deportivo da Coruña e do Real Club Celta de Vigo.
