Skip to main content
Muras

Muras recupera a Festa das Cuíñas esta fin de semana

Por 19 Maio, 2022Sin comentarios

A recementemente creada asociación Tumbapinos de Muras vén de recuperar un clásico na programación musical da localidade, a Festa na honra a Santo Domingo de Cuíñas, que arranca este venres, 20 de maio, cunha gran pancetada ás 21.00 horas para todos os asistentes.

Esta mesma xornada inaugural contará coa actuación do dúo D’Vicio.

O sábado, día grande, haberá ás 13.00 misa solemne seguida de procesión e a actuación a continuación en sesión vermú de Tania e o seu acordeón.

Ao mediodía terá lugar o tradicional xantar popular, que constará de callos, churrasco de porco, chourizo, criollo e patacas, ademais de tarta xeada de postre, café e chupito, a cargo de Seiramar Eventos.

O prezo do menú é de 30 euros para adultos e nenos ata 12 anos gratis e está prevista a asistencia de 150 persoas.

A xornada de festa rematará cunha vebena na que Tania e o seu acordeón volverá estar presente ademais do trío Mar de Arousa.

Esta celebración vén de ser recuperada por cinco amigos da vila, que conformaron esta asociación para poder organizar este evento e entre os que figura, como presidente, o concelleiro socialista Mario Rouco.