Os amigos Jorge Aguirre e Ceferino Martínez concluiron a súa aventura ata terras de Noruega, concretamente a Nordkapp, despois de case 6.000 quilómetros.
Esta viaxe durou 13 días despois de recibir unha calurosa despedida o 28 de maio en Lourenzá na que se embarcaron no seus vehículos, un coche Dyane 6 e unha moto Vespa 200.
Tiveron que madrugar para chegar ao monumento do fin do mundo, e que conta cunha réplica do globo terráqueo, para poder fotografarse nese lugar tan especial cos seus dous inseparables compañeiros de viaxe.
Viaxaron nun Dyane 6 monopraza, perfectamente adaptado, “con cama, praca solar, batería auxiliar, vertedoiro e preparado para facer para comer….” explica o presidente do club, que lles dá apoio nesta viaxe no que investirán outros tantos días para volver á Terra da Faba.
Para a viaxe de volta prevese que sigan a ruta do Báltico, por Helsinki e pasarán por Bielorrusia ou Polonia para percorrer uns 6.500 o 6.800 quilómetros. “Sempre que non haxa contratempos”, di o presidente.
