Skip to main content
Lugo

O Foro do Camiño Primitivo mobilízase contra a urbanización do Carril das Flores

Por 21 Xuño, 2022Xuño 23rd, 2022Sin comentarios

Representantes da plataforma Foro do Camiño Primitivo, continuando coas accións da camapaña de protesta Outro Garañón… Na Muralla? ás que se sumaron veciñas e veciños de Lugo, concentráronse onte á tarde nas inmediacións da porta San Pedro para protestar en contra das obras de urbanización que se están a desenvolver na esquina do Carril das Flores con San Roque, e que supoñen un grave atentado ao Camiño Primitivo de Santiago, Patrimonio da Humanidade.

Estas concentracións repetiranse cada luns ás 20h no mesmo sitio, co obxectivo de solicitar a paralización das obras, a retirada da Modificación Puntual do PEPRI para o quinteiro 214A, e a redacción dun novo plan alternativo máis respectuoso co lugar con tanto valor histórico e patrimonial para a cidade de Lugo, confluencia de dous Patrimonios da Humanidade, a Muralla Romana e o Camiño Primitivo.