Skip to main content
Monforte

Monforte sumouse ó Día do Síndrome de Dravet iluminando a Torre da Homenaxe

Por 24 Xuño, 2022Xuño 27th, 2022Sin comentarios

A Torre da Homenaxe de San Vicente permaneceu iluminada o xoves día 23 de xuño en cor morada como apoio ás persoas que sufren esta enfermidade.

Este xoves día 23 procedeuse á iluminación da Torre da Homenaxe de San Vicente de cor morada con motivo do Día Internacional do Síndrome de Dravet, unha iniciativa promovida pola Asociación Síndrome de Dravet (www.dravetfoundation.eu).

O Síndrome de Dravet é unha enfermidade rara, unha epilepsia que non ten cura e que non responde a ningún tratamento actual, coñecida tamén como “epilepsia catastrófica da infancia”. De feito, esta enfermidade aparece durante o primeiro ano de vida e provoca crisis epilépticas sen control, así coma retraso cognitivo, problemas de mobilidade e retraso na linguaxe, ademais dun 15% de mortalidade.

Como tal, o Día Internacional do Síndrome de Dravet que vén de se comenmorar, “é un día para dar a maior visibilidade posible a esta enfermidade rara, para alertar e concienciar á sociedade de todos os retos e dificultades que as familias que a padecen teñen no seu día a día, así como da necesidade de investir en investigación para paliar os efectos desta enfermidade e mellorar a calidade de vida dos que a sofren”, destaca o Alcalde.

Deste xeito, o Concello de Monforte sumouse a esta iniciativa iluminando de cor morada un dos seus monumentos máis emblemáticos e visibles de toda a cidade, a Torre da Homenaxe que culmina o monte de San Vicente.