Quiroga estivo representada en Festur, dentro do Salón Turístico de Galicia, que se celebra na Feira Internacional Semana Verde de Galicia.
Onte finalizou en Silleda esta feira pola que cada ano pasan miles e miles de visitantes. Coincidindo coa apertura do recinto feiral o alcalde de Quiroga, Julio Álvarez, acudía ata este recinto.
Quiroga levou os seus produtos máis destacados: viño, aceite, mel e artesanía, formando parte do stand do “Xeoparque Montañas do Courel. Os sabores das nosas rochas”. Pero estes produtos non son o único que se promocionou, os visitantes levaron información de todas as rutas, festas de interese turístico, monumentos, museos,… e todo aquelo do que Quiroga pode presumir.
Quiroga participou por primeira vez nesta feira que acolleu a 34 festas de interese turístico, con recoñecemento de carácter internacional, nacional ou de Galicia. Tal como é o caso da Mostra do Aceite de Quiroga e pola que pasan importantes empresas do sector turístico.
