O prazo de preinscricións para os campamentos de verán en Quiroga pechará o próximo venres 28 de xuño. Por conseguinte, os interesados aínda poden apuntarse na Casa da Cultura do Concello.
Os campamentos levaranse a cabo entre o 1 de xullo e o 30 de agosto e neles realizaranse diferentes actividades entre as que se atopan os xogos, deportes, obradoiros de manualidades e repaso escolar, entre outras máis. Neste senso, nas xornadas primará a ensinanza de valores educativos, así coma de hábitos saudables para que os nenos e nenas sexan ensinados nun entorno educativo e ameno.
Os campamentos están destinados a cativos nados entre o 2018 e o 2010 e o horario no que se realizarán será de 11.00 a 14.00 do mediodía.
