Comezará o 4 de xullo e rematará o 31 de agosto.
O Campamento Urbano Turístico de Verán de Taboada estará dirixido a cativos con idades comprendidas entre os 3 e 14 anos. A súa duración será do luns 4 de xullo ao 31 de agosto deste 2022.
O horario no que os inscritos poderán asistir as súas actividades serán de 10.00 a 13.30 do mediodía. A cota de inscrición será de 50 euros ao mes para as persoas empadroadas no municipio e de 60 euros para os que non se atopen empadroados.
As actividades que se levarán a cabo serán as de hípica os luns e o resto de días da semana ata o venres estarán dirixidas a obradoiros e piscinas. Todas estas serán realizadas nas distintas instalacións municipais, tendo lugar a recepción na Casa da Cultura.
