Os estudantes do CEIP Ricardo Gasset do Incio deron un concerto este venres 17 de xuño.
A celebración do evento, na praza do Concello do Incio, foi por volta das 12.15 horas do mediodía. Ademais, eles mesmos, cativos de 4º, 5º e 6º de Primaria, foron os encargados de deseñar os carteis que anunciaban o acto.
Asemade, tamén aproveitaron a xornada para visitar a Residencia de Maiores do Incio e interpretar aló tamén algúns dos temas que estiveron preparando ao longo de todo este tempo.