O Museo do Castro de Viladonga acollerá este domingo, 26 de xuño, un obradoiro que leva por título A botica do castro de Viladonga.
Esta sesión estará a cargo de Lola Tourón Río, en horario de 10.00 a 14.00 horas e ten como función a identificación de plantas con propiedades mediciñais e a elaboración de ungüentos e pomadas.
As persoas interesadas en participar poden inscribirse chamando ao 982 870 160. Farase por rigorosa orde de chamada ata cubrir as 15 prazas.
