A deputada Olalla Rodil presentou no Parlamento unhas preguntas sobre a desaparición das pedras da porta que estaba no Camiño Real, detrás do Pazo dos Gaioso, no propio centro da vila de Outeiro de Rei que chamaba atención pola súa feitura e a súa antigüidade.
Agora, despois de moitos séculos, esa porta xa no existe porque foi derrubada e no seu lugar tan só queda unha morea de pedras, algunhas das cales poderían formar parte da porta orixinal.
Esta porta era parte dunha construción que o Concello mercou hai uns meses por estar nas inmediacións do lugar onde se ía construír o centro de día, obras que aínda a día de hoxe se están a realizar na propia parcela onde se derrubou a porta.
Para o BNG é fundamental que se paralice calquera actuación que teña que ver con este desfeita, intentado evitar que “desaparezan” ou se deterioren aínda máis as pezas desta porta, e é por iso se preentaron preguntas sobre este tema na Comisión 4ª da mesa do Parlamento: se a Xunta de Galicia era coñecedora do acontecido nas obras do centro de día, tamén preguntou se estaban catalogadas ou inventariadas as portas, o valor patrimonial da mesma, así como as medidas a tomar para evitar que o alcalde de Outeiro faga desaparecer ditas pedras.
A contestación a estas preguntas foi dada pola Consellería de Política Social e Xuventude en lugar de contestar Patrimonio que foi a quen se lle fixeron as preguntas. “Este silencio por parte de Patrimonio vennos a indicar o oscurantismo que existe por parte da Xunta e do propio Concello sobre este tema xa que dende Patrimonio tampouco se contestou ás preguntas feitas dende o BNG de Outeiro de Rei”, din.
Dende o BNG de Outeiro de Rei “seguiremos vixiantes e preguntando onde estan ditas pedras así como pendentes de que se volvan a colocar no lugar onde estaban” sinala Elvira Lombao concelleira. “As institucións non contestan a nada do que se lles reclama e o alcalde de Outeiro de Rei dinos que no proxecta aparece reflictido que ditas pedras se volven colocar, pero revisado o proxecto nel non aparece tal cousa” segue a dicir a concelleira. “Non imos permitir que dende a alcaldía se xogue así co patrimonio do noso concello” conclúe Elvira Lombao.
