Peregrinas é o título do novo documental de José Antonio Vázquez Taín, xuíz, escritor e director. Nel, o maxistrado ourensán presentará o protagonismo da muller na historia do Camiño de Santiago.
Nesta ocasión estará na igrexa de San Salvador de Lourenzá o venres 8 de xullo ás 19.00 horas e está organizado pola Asociación Patrimonio Laurentino.
O xuíz Taín é autor de novelas como Santiago. La leyenda del santo oculto; Al infierno se llega deprisa; El mar sin fondo e Más allá y más arriba. Historia del Camino de Santiago en la España Medieval -entre outras-, obra na que en grande parte se baseará o documental Peregrinas, actualmente en gravación, sobre a importancia da muller no Camiño de Santiago.
Destinado en 1999 no xulgado de instrución n.º 1 de Vilagarcía de Arousa, destacou pola súa persecución do narcotráfico. Entre os seus éxitos está a captura en 2003 do maior alixo de cocaína do século en Galicia, de arredor de sete toneladas, a bordo do South Sea. Nos anos 2011 y 2012 levou o caso do roubo e posterior recuperación do Códice Calixtino e en 2013 fíxose cargo do caso Asunta Basterra.
Taín xa impartira en 2016 a conferencia inaugural do IES A Pinguela e volveu cunha conferencia inaugural.
