Skip to main content
Ribadeo

Rinlo estrea un folleto turístico con motivo da Festa do Percebe

Por 30 Xullo, 2022Sin comentarios

Rinlo celebra hoxe, un ano máis, a súa renomeada Festa do Percebe. Uns 800 quilos serán ofrecidos dende o mediodía a un prezo popular de 15 euros a ración. A xornada estará amenizada por un grupo de música tradicional Con Faldas y a lo Loco, por Catuxa Salom, artista que fusiona música galega con ritmos tribais latinoamericanos, e por un dj.

Este evento está organziado polos mariscadores da Confradía de Ribadeo-Rinlo, e este ano por primeira vez a Concellaría de Turismo xunto coa Asociación de Veciños O Cantal instalou unha caseta onde se ofrecerá información turística sobre este pobo mariñeiro e o concello de Ribadeo en xeral.

Para a ocasión esta área acaba de lanzar un folleto monográfico sobre este porto histórico de orixe medieval, onde se fala da súa arquitectura, das cetáreas, do percebe a súa festa e outros datos de interese, etc.

Mira o folleto neste enlace.