A comisión de festas de Santo Estevo do Vicedo vén de comunicar o programa das festas na honra a San Estevo e Santa Lucía que serán o 5, 6 e 7 de agosto.
Comezará coa gran verbena do venres 5 ás 22.30 horas a cargo das orquestras Tania Veiras e Nueva Fuerza, e seguirá o sábado 6 ás 10.00 con pasarrúas amenizado coa Banda de Gaitas do Ortegal, a misa solemne na igrexa parroquial, a sesión vermú co grupo Da Silva, e xa pola noite a verbena con Alkar e Da Silva. Ás 5.00 horas será a ruta 21 Fest, un festival folclórico a cargo de Os Do 21.
O domingo 7, a última xornada festiva dará comezo ás 12.00 horas coa celebración da misa solemne en honra ao santo na praia de Xilloi. O grupo Dvicio e Mekánika Rolling Banda serán os encargados de poñer a nota musical na sesión vermú. E xa pola noite DVicio e Los Españoles amenizarán a gran verbena final.
