Últimas prazas para participar nas actividades deportivas gratuítas de verán promovidas polo Goberno de Lara Méndez e dirixidas á mocidade lucense. O concelleiro de Xuventude e Deporte, Mauricio Repetto, destacou o éxito desta programación “pois en dúas semanas practicamente se cubriron a totalidade das actividades ofertadas, o que da conta do interese xerado entre os mozos e mozas da cidade”.
Para o total de 1.032 prazas dispoñibles, xa se recibiron preto de 800 solicitudes. As inscricións continúan abertas a través de: http://formulario.
“Estas actividades están impartidas por monitores titulados e van destinadas para idades a partir de 5 anos”, lembrou Repetto, quen subliñou que “o obxectivo é fomentar hábitos de vida saudables entre os veciños e veciñas da cidade e promover a práctica deportiva”.
As actividades actuáticas están impartidas polo Club de Piragüismo Cidade de Lugo e parten da escola, situada baixo a ponte nova do río Miño, dispoñen, así mesmo, de vestiarios e baños axeitados. Para poder participar nelas é imprescindible ter coñecementos de natación. Mentres que a actividade de acrosport será impartida pola escola de danza Gravity, o día 27 de xullo na na Praza de Augas Férreas.
