A exposición O traxe festivo da muller aldeá nas terras de Lugo chega mañá a Palas de Rei.
A exposición estará na Casa do Concello ata o 13 de agosto e poderase visitar de luns a venres en horario de 10:00 a 14:00. A mostra conta con 12 manequíns con pezas seleccionadas entre as moitas vestimentas documentadas e recollidas en casas da provincia de Lugo e complétase con traxes de homes para os que se recuperaron patróns da época.
