Medio cento de usuarios de Aspnais realizan un tramo do Camiño de Santiago en Paradela con motivo do bicentenario do concello, estarán acompañados por representantes desde mesmo concello e da Xunta de Galicia.
Con motivo do bicentenario do Concello de Paradela, por colaboración entre o Concello e a Asociación de Pais e Titores de persoas con discapacidade intelectual – ASPNAIS – medio cento de usuarios desta institución lucense, o próximo mércores, percorrerán un tramo do Camiño de Santiago nas terras de Paradela, acompañados de formadores e directivos desta institución, representantes do Concello e da Xunta de Galicia.
Os camiñantes serán recibidos e agasallados en Ferreiros, arredor das 12.00 horas, polas autoridades que os acompañarán no Camiño, percorrendo a continuación o tramo entre os pobos de Ferreiros e As Cortes, de arredor de dous quilómetros.
No campo da festa de As Cortes almorzarán, e serán agasallados con tarta de Paradela. Voltarán a Lugo no autocar fletado polo Concello para este fin arredor das cinco da tarde.
