Skip to main content
Guitiriz

Cortan o tráfico dous días na estrada de Parga a Santalla

Por 7 Xullo, 2022Sin comentarios

Debido aos traballos de mellora do firme, hoxe, 7 de xuño, e mañá, permanecerá cortada ao tráfico a estrada provincial LU-P-2303, que une Parga con Santalla, pasando por Pedrafita.

O corte dividirase en dous tramos: o primeiro día realizarase no tramo comprendido entre o desvío a Viveiros Anuca e a estrada de Santa Leocadia. Os vehículos que circulen de Parga a San Breixo desviaranse á altura de Viveiros Anuca. e os que o fagan en dirección contraria irán pola estrada de Valdoncei ata Viveiros Anuca ou pola estrada de Santa Leocadia ata a estrada de Friol.

O segundo día permanecerá pechado ao tráfico o tramo entre rúa das Peniñas ata a altura do desvío a Viveiros Anuca. Os vehículos que circulen de Parga a San Breixo desviaranse pola estrada de Friol. Os que o fagan en dirección contraria terán que ir pola estrada de Santa Leocadia ata a estrada de Friol ou pola que vai a San Alberte.