O Concello de Lugo, tras optar por abrir a gratuidade da piscina exterior de Frigsa ante a negativa da Xunta de Galicia a autorizar a plataforma do río Miño, compensará ás persoas que teñan os bonos xa adquiridos da seguinte maneira:
- Poderán utilizalos nas piscinas climatizadas das Pedreiras e Frigsa a partir do 1 de setembro.
- Poderán utilizalos na piscina exterior de Frigsa no verán próximo e, neste caso, o Concello duplicaralle o número de baños previstos nos bonos de maneira gratuíta.
Para solicitar a compensación, os interesados deberán achegarse ás instalacións de Frigsa en horario de 9.00 h. a 14.00 horas ou de 16.00 h. a 20.00 horas, e presentar o correspondente abono acompañado do DNI titular do mesmo.
A Alcaldesa de Lugo, Lara Méndez, anunciou onte que eximirá do pago de acceso ás piscinas exteriores para que “ningún veciño deixe de ter a oportunidade de refrescarse ante as altas temperaturas deste verán”.
A rexedora sostén que ante a discriminación do Goberno galego aos lucenses, “desde o Concello habilitamos alternativas porque só nos move ou benestar da nosa veciñanza”
