Mañá domingo celébrase unha nova xornada da Mostra de Vellos Oficios Artesáns. Esta mostra terá lugar nos soportais da Casa do Concello, na praza Maior en horario de 11.00 a 14.00 e de 17.00 a 20:30.
Este domingo Eugenio Soto que realiza decoración de cristal fará unha demostración de tres técnicas de decoración tradicional de cristal. Talla de vasos e copas cun torno eléctrico con pedra de esmeril nun eixe que contén rodas de distintas tipoloxías e ao rozar no cristal faille diferentes incisións; gravador máis superficial con puntas diamantadas; esmaltado de cristal mediante pintura e cocción en forno.
Carlos Graña de Verdecima, tallas de madeira realizará a demostración do proceso de talla dun cunco de madeira: baleirado por dentro, tallado da forma externa, lixado e remate con distintos acabados dependendo de se o seu uso vai ser ornamental ou culinario.
A programación continuará os próximo domingos 4 e 11 de setembro con mostras de xoiería, sombreirería artesanal, obradoiro de gaitas e construcción de embarcacións.