Maña 26 de agosto, pequenos e maiores poderán desfrutar cos mellores temas da man do grupo Uxía Lambona e a Banda Molona, a partir das 19.00 horas na Praza de España.
Esta banda nace como un proxecto lúdico, musical e educativo, que pretende divertir a público de tódalas idades.
Os seus compoñentes recollen os clásicos populares galegos dándolle o seu toque particular, desde A Carolina rapeada ata O Jato rockeiro.
Danlle o seu toque persoal a temas tradicionais e algún que outro tema propio, pasando por ritmos como o ska, o reggae, o klezmer, a cumbia ou o tango.
Todos eles moi dinámicos “facendo que todos os nenos presentes sexan partícipes do des-concerto cheo de bailes, xogos, coreografías e algunha que outra sorpresa”, como eles mesmos afirman no seu perfil en redes sociais.
