San Miguel de Goián, no concello de Sarria, celebra as súas festas grandes esta fin de semana.
O sábado día 3 terá lugar unha xuntanza cabalar ás 17.00 horas con saída no campo da festa. Percorrerase unha ruta marcada duns 20 quilómetros cunha parada para tomar uns pinchos e posteriormente, haberá unha churrascada ás 21.30 horas no mesmo campo da festa. A inscrición é obrigatoria e o prazo estará aberto hasta o 31 de agosto, pódese realizar chamando ao seguinte número de teléfono 669 423 754 (Diego) ou a través do correo electrónico luli28032001@gmail.com (Lourdes).
A verbena estará amenizada polo Dúo Venus e haberá queimada para tódolos asistentes.
O domingo día 4 celebrarase a misa maior ás 13.00 horas seguida da procesión. Haberá misas todo o día a partir das 09.00 da maña e pola tarde misa ás 19.00 horas.
A sesión vermú correrá a cargo do Grupo Alba e a partir das 21.30 horas haberá festa e verbena co Grupo Alba e a orquestra Os Satélites.
E para rematar os festexos, o luns 5 de setembro haberá misa ás 13.00 horas seguida de procesión, sesión vermú co grupo M-3 Show e festa e verbena coa actuación do mesmo grupo.
