Skip to main content
Sarria

Xornada de portas abertas no Club de Billar Snooker de Sarria

Por 29 Agosto, 2022Sin comentarios

Coa intención de promover varias das disciplinas deste deporte, como son o snooker e o pool americano (tanto a nivel formación para iniciados como para perfeccionamento), nace o Club de Billar Snooker en Sarria que esta semana desfrutará da súa primeira xornada de portas abertas para darse a coñecer a tódolos veciños do municipio.

O promotor, presidente e responsable da entidade, Juan Pedro Durán López coñecido como Gusy, afirma que “nos tres primeiros días de xornada de portas abertas calquera veciño poderá coñecer as instalacións do noso club, e se algún estivera interesado en asistir ás clases ou cursos que en breve se organizarán, poderá preguntarnos información ao respecto sen compromiso”, declara Gusy.

O Club de Billar Snooker de Sarria que conta coa colaboración da área de Deportes do Concello de Sarria, abrirá as súas instalacións ao público “maña martes día 30 de agosto, o mércores día 31 e o xoves día 1 de septembro, en horario de 17.00 a 20.00 horas e estaremos encantados de recibirvos” recoñece o presidente.

“Lembrade que este club de billar atópase nas instalacións da antiga feculera e será a encargada de que todos poidades aprender a xogar ao billar da man de grandes xogadores sarriáns” manifesta o responsable da entidade.

Segundo puidemos saber en palabras do propio Gusy, “chegamos a un acordo co concello de Sarria que nos deixa dispoñer das súas instalacións xa que nós non atopábamos ningún recinto adecuado para desenvolver a nosa actividade. Tiña que ser un lugar moi grande porque soamente as mesas de billar, a de snooker precisa duns 50 metros cadrados para a súa situación e a de pool uns 35-40. Nós encargámonos de poñer as mesas, a equipación e organizar organiza escolas deportivas cuns prezos moi simbólicos xa que o que se recade irá destinado para o mantemento das instalacións e os equipos”, afirma o presidente do club.