O alcalde de Abadín, José María López Rancaño, explicou que a parroquia de Vilaronte conta con auga na traída aínda que carece de presión e que o proceso para incluíla na rede municipal xa está en marcha.
Segundo dixo, as dez casas de Vilaronte tiñan a propiedade do abastecemento de auga que se nutre de tres fontes propiedade particular. “Ao non renovar a concesión, quedaron nesta situación”, dixo. Tamén engadiu que o Concello ten en estudo o proxecto para completar a rede de auga pero que ao ser propiedade da Confederación, o Concello non pode intervir. “Xa temos solicitada o cambio de titularidade para que o Concello se faga cargo e podamos facer a intervención”, aclara.
O Concello xa fixo fai unha semana as primeiras análises da potabilidade da auga nos tres mananciais e están á espera de resultados. “Temos avanzado o traballo á espera de poder facer o cambio de titularidade. Se hai que clorala farémolo pero cando podamos actuar”, remarca.
Rancaño recordou tamén que cando se faga o cambio haberá que poñer contador en todas as casas para seguir as mesmas normativas que o resto de veciños da localidade.
