Skip to main content
Axenda TERRACHÁXARábade LUGOXARábade TERRACHÁXA

Rábade xa ten listo o programa para as súas festas patronais

Por 5 Agosto, 2022Agosto 6th, 2022Sin comentarios

Rábade inicia o 12 de agosto, e ata o 17, as suás festas patronais , aínda que xa desde o 2 houbo actividades deportivas de baloncesto e fútbol sala no pavillón municipal e na pista do Campo da feira.

O día 11 a xornada contará co lanzamento das vésperas e as finais das competións deportivas.

O venres 12, a festa terá o seu comezo coa lectura do pregón, ás 21.00 horas na Prazuela, que estará a cargo de Euloxio das Penas Fernández co estoupido e traca de comezo de festas. Ademais será descobrimento do Rei da Chaira polos cabezudos e a VIII Edición do CantamosCHA coa colaboración de Estoupacaldeiros. Haberá unha concentración aberta de músicos para cantar a muñeira de Lugo, a de Santo Amaro e Quen teña viño. Acto seguido, será a churrascada popular que dará paso ao Rabafolc, que este ano chega á súa edición número XXVI e que contará cos grupos Treixadura e Mekánika Rolling Band.

O sábado 13 comezará coas alboradas e a sesión vemú coa orquestra Fama, á que seguirá a Xira Campestre ás beiras do Miño, unha tradición nas festas de Rábade.

Como todos os anos, haberá unha carpa cuberta para todos os comensais e non se permitirá o acceso de vehículos á beira do Río agás para carga e descarga en horas limitadas.

Pola tarde terá lugar á esperada Esbatuxada, o descenso do río Miño en embarcación de fabricación caseira, que dará comezo sobre as 18.00 horas para continuar con competicións de tiro con corda. E xa pola noite o apartado musical estará a cargo de Fama e América.

O domingo 14, haberá tamén  alboradas e misa solemne para contar pola mañá cun festival de bandas de música no que participarán Banda de Torroso e Banda Sons e Soños de Rábade. A sesión vermú estará ao cargo de Atenas e pola noite repite esta xunto a Combo Dominicano.

Pola tarde será o Día da Bicicleta con saída do Cmapo da Feira e chegada á praza de España. Ao remate haberá sorteo de agasallos e chocolate con churros.

O luns 15 será o día da Descarga tamén coas súas alboradas e a misa solemne ás 13.00 horas. A sesión vermú estará ao cargo da orquestra D’Noche. Pola tarde terá lugar a Gran Descarga coa previa desde ás 18.30 horas cun fopguete cada 5 minutos.

Máis tarde, ás 19:00 horas dará comezo o subidón dos avós, a tradicional carreira de avós e netos (menores de 6 anos), á que seguirá o percorrido do Rei da Chaira dende o Concello a Cantalarrana para a Gran Descarga a cargo da peña O Foguete. Pechará a xornada a verbena a cargo da orquestra D’Noche con sesión pirotécnica nos descansos.

Os días 16 e 17 estarán  reservados para o festival ARabaca coa actuación o martes de El Pacto Rock Band, tributo a Bruce Springteen e Clásicos do Rock coa colaboración espe ial de Javier Alzola, saxofonista de Fito y Fitipaldis.

O mércores 17 actuarán ás 13.30 horas na prazuela Andrea Vilar ao piano e Diego Segada á viola. Ás 20.00 horas no centro sociocultural haberá unha representación de La parada de los sueños. Dream Stop, a cargo do grupo de teatro Penas de Rodas e ás 21.30 horas, actuarán na prazuela Hänselus, Nya de la Rubia e De Turrens Band.

CONSULTA O PROGRAMA NESTE ENLACE