Skip to main content
Alfoz

Aprazado o descenso de carrilanas de Alfoz

Por 16 Setembro, 2022Sin comentarios

A Asociación Cultural e Xuvenil O Castelo anunciou o aprazamento do II Descenso de Carrilanas de Alfoz que se ía celebrar mañá sábado 17 de setembro.

“Por causas de forza maior vémonos na obriga de aprazar a celebración do descenso”, comunicaron nas redes, “anunciaremos nos próximos días a nova data acordada para celebralas”.

A actividade está organizada pola Asociación Cultural e Xuvenil O Castelo, un club formado por veciños e amigos de Alfoz e esta celebración ten o dobre obxectivo de reivindicar esta práctica e ao mesmo tempo traer turismo á zona e axudas aos negocios.

A provincia de Lugo xa conta con varias probas en diferentes concellos, como no de Meira, que chega a terceira proba, Abadín, que acollerá a XIX edición do seu famoso descenso, e A Pontenova, Alfoz e Ribeira de Piquín que serían as segundas edicións.