O I Torneo de Pádel San Miguel dará comezo o venres 30 de setembro ás 16.00 en Monterroso. O torneo que se celebrará o longo de toda a fin de semana terá un horario de 10.00 a 22.00 o sábado e o domingo e de 16.00 a 22.00 o venres.
O torneo contará con categorías masculina, feminina e mixta e pódese realizar a inscrición no número de teléfono 608 314 290 ata o venres 23 de setembro.
Haberá un máximo de 16 equipos por cada categoría e o mércores 28 de setembro sairán publicados os cadros de emparellamentos.
A inscrición é gratuíta e haberá trofeo para a parella campioa e subcampioa de cada categoría.
