Skip to main content
Triacastela

Membros da Organización Xuvenil Española realizan un campamento en Triacastela

Por 21 Setembro, 2022Setembro 22nd, 2022Sin comentarios

Arredor de 40 membros da Organización Xuvenil Española veñen de visitar o concello de Triacastela, para dar a benvida aos novos afiliados e presentar á nova directiva.

Os participantes realizaron numerosas actividades durante todo o día como aprender a voar un dron, realizar rutas programadas ou montar as súas propias tendas de campaña. Posteriormente, tivo lugar a entrega de recompensas e recoñecementos.

Á comida que fixeron os membros da organización acudiu a alcaldesa, quen informou sobre a construción a mans de mozos da OJE do monumento ao Peregrino erixido na Praza do Concello no ano 1965.

A ruta xacobea convértese así nunha das protagonistas destas xornadas bautizadas como Mocidade no Camiño, nas que participaron nenos a partir de 6 anos de idade.

Estas xornadas realízanse de forma anual polo colectivo OJE que este año elixiu como destino Triacastela, ao ser un punto de paso importante para o Camiño de Santiago.

O COLECTIVO

A OJE confórmase como unha organización xuvenil sen ánimo de lucro que realiza todo tipo de actividades formativas para a mocidade.

Ocupan educativamente o seu tempo libre en conseguir un exercicio máis responsable da súa liberdade para ser mellores cidadáns. Teñen a súa orixe no ano 1.960 e son totalmente independentes.

Son unha organización de mozos e para mozos que realizan numerosas actividades co fin de fomentar a convivencia. O seu obxectivo é formar aos seus integrantes como persoas e como membros da sociedade.

Pola súa finalidade educativa, amósanse totalmente independentes de ideoloxías políticas, económicas y de confesións relixiosas, así como de calquera outra entidade.

O que buscan é divulgar tódalas actividades que realiza a súa organización para promover riqueza de contidos e potenciar unha imaxe de convivencia dos distintos valores.