A comisión das festas de Bretoña convoca este xoves de novo a Festa do 8 cun xantar e festa veciñal, aos que están convidados todos os veciños.
A festa dará comezo coa misa ás 13:30 horas coa procesión, á que seguirá a sesión vermú a cargo do dúo Venus.
Ao mediodía terá lugar o xantar veciñal, que estará servido polo restaurante Sarredo. O menú constará de entrantes, paella, codillo, postre, café e chupito, todo elo por 25 euros por persoa.
Poderán participar no xantar os que desexen levar a comida da casa pero haberá que reservar mesa previamente. Tamén haberá servizo de pulpería.
Trala comida haberá música para amenizar a festa con Verónica Cambón e o dúo Venus.
