Trala pausa do verán, o club de lectura Entre Liñas da Pastoriza segue coas xuntanzas vinculadas á lectura e nesta ocasión, Leticia Costas visitará o club.
Será este xoves, 22 de setembro, ás 20.00 horas no Fogar de Maeloc, para recibir á escritora de Golpes de Luz.
Ledicia Costas é unha escritora galega licenciada en Dereito pola Universidade de Vigo. Empezou a escribir desde moi nova. A súa primeira novela publicada foi Unha estrela no vento (Edicións Xerais 2000), libro que escribiu cando era unha adolescente.
Nos últimos anos recibiu importantes recoñecementos, como o Premio Merlín de literatura infantil, pola súa obra Escarlatina, a cociñeira cadáver. Por ese mesmo libro, o Ministerio de Cultura concedeulle o Premio Nacional de Literatura Infantil e Xuvenil no ano 2015.
Esta actividade é aberta para todo o público que queira asistir e tamén está aberta a participación no club de lectura.
