O Club de Loita Vilalba celebra durante esta quincena de setembro adestramentos de portas abertas para poder mostrar a todos os interesados este deporte e o funcionamento da entidade deportiva.
Así, de forma gratuíta, poderá participarse nos adestramentos que se realizan os luns, mércores e os venres na sala de loita do auditorio municipal de Vilalba. Para os pequenos de 6 a 8 anos, o horario é de 18.00 a 19.00 horas, de 9 a 11 será de 19.00 a 20.00. horas e de 12 a 16 entre as 20.00 e as 21.00 horas.
Os interesados en informarse sobre o desenvolvemento desta actividade poden facelo no correo loitaolimpicavilalba@yahoo.es ou no whatsapp 677 518 621. As sesións rematarán o 30 de setembro.
