O Rallye de San Froilán celebra a súa 44 edición os días 14, 15 e 16 de outubro cunha cifra de inscritos récord, 134 equipos anotados, o que supón a maior participación nunha proba automobilística en Galiza no que vai de ano.
A ceremonia de saída do Rallly San Froilán celebrarase na praza Maior de Lugo o venres 14 a partir das 19.30, coa chegada dos coches ao fondo da praza dende o aparcadoiro do Auditorio Gustavo Freire, para continuar cara ao parque de traballo situado no poligono de Outeiro de Rei.
O sábado disputarase a carreira, con cinco treitos a dobre pasada, polas estradas dos concellos de Outeiro de Rei, O Corgo, Mosteiro, Guntin, O Páramo e Sarria, onde se situará o parque de reagrupamento para as últimas pasadas (Rúa Calvo Sotelo).
Esta edición consta dun percorrido total de 343,15 quilómetros, dos cales 115,70 quilómetros corresponden a 5 Treitos Cronometrados por estradas asfaltadas pechadas ó tráfico.
Os premios e trofeos que se entregarán serán aos 6 primeiros da xeral, piloto e copiloto, sendo 1.800 euros o agasallo para os primeiros, 1.350 para os segundos, 1.000 para os terceiros, 750 euros para os cuartos, 600 para os quintos e 500 euros para os sextos.
Os primeiros de cada agrupación levarán 250 euros, 130 e 100 euros respectivamente.
