A Pastoriza volverá celebrar este ano a ruta das Tapas, que chega a súa VIII edición, a fin de semana do 28 ao 30 deste mes organizada pola asociación de comerciantes local, Asapa, baixo o cancelo #SaboreApastoriza e a un prezo de 2 euros.
Nesta ocasión serán once os locais participantes, 1 máis que o ano pasado, 5 de Pastoriza (O Cruceiro, Xarope, Brétema, a Casa da Cultura) e 4 en Bretoña (Tropical, Eskina, Luciano e Casa da Luz), ademais de Taberna Germán da Reigosa, Carrizal da Regueira e Taberna Molareda de San Cosme.
Todos aqueles que completen o roteiro poderán optar aos diferentes premios que se repartirán. Como primeiro haberá 270 euros, segundo 135 euros e o terceiro 65. Do cuarto ao sexto serán tres premios de vales de 50 euros cada un para gastar respectivamente nos supermercados A Pastoriza e Atlático e en Gasóleos O Acebreiro. O sétimo agasallo será un curso de condución PTC e o oitavo un curso de iniciación ao tiro con arco para dúas persoas.
Os horarios de servizo de tapa serán os venres e sábados de 19.00 ata a medianoite e o domingo de 12.00 a 15.00 horas.
Haberá servizo de bus o sábado con saídas da Pastoriza ás 19.30 horas con percorrido por Carrizal, Reigosa, San Cosme, Bretoña e Pastoriza. Cada 45 minutos pasarán por diante dos bares.
