Este venres, día 14 de outubro, ás 20:30 terá lugar no Cine Alovi o I Desfile Presentación da Tempada Outono-Inverno organizada por Cohempo.
O obxectivo desta cita é mostrar as novidades do comercio local de cara a esta nova tempada.
As persoas que desexen asistir deberán comprar o seu ticket nos establecementos participantes, que son El Baúl, Novalux, Urbo, Mayge, Ratón Pérez, Zokos, Vilaboy Moda, VL, Texas, La Tienda, Niza, Lecar712 e Rovil Studio.
Entre todos os que acudan ao desfile sorterase un Total Look e a organización anuncia máis sorpresas.
Roberto Lolo será o encargado de presentar o desfile deste venres. Humorista e mago recoñecido estará durante o evento facendo rir e desfrutar cos seus trucos de maxia.
